رزق نہیں دے گا؟

 

                        ایک نوجوان جسکا اخلاق و کردار وغیرہ ٹھیک تھا، کسی کے گھر اسکی بیٹی کا رشتہ لینے گیا تو لڑکی کا باپ اسکی حالت دیکھ اور سن کر بولا”تم غریب ہو اور میری بیٹی اور میری بیٹی غربت وتکالیف وغیرہ کو برداشت کرنے کی سکت نہیں رکھتی، سو میں اپنی بیٹی کا رشتہ نہیں دے سکتا                  

                       پھر ایک بداخلاق و برے کردار والا دولت مند لڑکا اسی شخص کی بیٹی کا رشتہ مانگنے گیا

                     پھر ایک بداخلاق و بدکردار لڑکا اسی لڑکی کا رشتہ لینے گیا تو اس کاباپ رشتہ دینے کیلئے راضی ہوگیا اوراس کے، بداخلاق ہونے کے بارے میں یہ کہا اللہ اس کو ہدایت دے گا انشاءاللہ تو اس کی بیٹی نے کہا: باباجان جو ہدایت دینے پر قادر ہے کیا وہ اللہ اسے رزق نہیں دے گا ؟؟ یا ان دونوں خداؤں میں کوئ فرق ہے؟

                      آیت کریمہ ہے” اور زمین پر چلنے والا کوٸی جاندار ایسا نہیں جسکا رزق اللّٰہ کے ذمہ کرم پر نہ ہو,اور وہ ہر ایک کے ٹھکانے وسپرد کرنے کی جگہ کو جانتا ہے۔سب کچھ ایک صاف بیان کرنے والی کتاب میں موجود ہے۔“

                                                                                سورہ ھود:6

                                 علامہ صاوی رحمتہ اللہ علیہ اس ایت کریمہ کے تحت 

فرماتے ہیں اس آیت سے یہ مراد لینا نہیں کہ جانداروں کو رزق دینا اللّٰہ پر واجب ےکیونکہ اللّٰہ پاک اس سے پاک ہے کہ کوٸی چیز اس پر واجب ہوبلکہ آیت سے مراد یہ ہے کہ جانداروں کر رزق دینا اور ان کی کفالت کرنااللّٰہ پاک نے اپنے ذمہ کرم پر لازم فرما لیا ہے  اور یہ اسکی رحمت و فضل ہے کہ یہ اسکے خلاف نہیں فرماتا۔ اور اسباب صرف اسلٸے اختیار کرے کہ اللہ پاک نے اسباب اختیار کرنے کا حکم دیا ناکہ ان پر بھروسہ کر بیٹھے  کیونکہ اللّہ پاک فارغ رہنے والے بندے کو پسند نہیں فرماتا  

                                                              تفسیر صراط الجنان ھود :٦

📝  یہ چیز ہمارے عام معاشرے میں نظر آتی ہے، ہر کوٸی اپنے پیاروں کے لۓ لکھ پتی کی تلاش میں ہے ،اخلاق و کردار ،حلال و حرام کا معلوم کرنا بہت دور کی بات ہے

           ہمیں یہ بات زہن نشین کرنی چاہٸے کہ پیدا اللّٰہ پاک نے کیا ہے تو رزق بھی وہی دے گا ، اس کو پانے کی تدبیر بھی وہی عطا کرے گا مشکلات تو زندگی کا حصہ ہیں کسی کے لٸے زیادہ تو کسی لٸے کم ۔ رزق دینے کا ذمہ ربّ نے لیا ہے کسی کو زیادہ دے کر آزماتا ہے کسی کو محدود دے کر اپنی طرف آنے کا موقع فراٸم کرتا ہے۔ انسان پھر بھی ناشکری سے باز نہیس آتا۔

    آیت کریمہ کا ترجعہ ہے ”بے شک اللہ ہی روزی دینے والا، زورآور، زبردست ہے“                                                     سورہ الزاریات :58